Ndiqej per shitje droge nga policia e Durresit por kapet me arsenal armesh. Burimet zyrtare njoftuan sot se Specialistët për Narkotikët në Drejtorinë e Policisë së Qarkut Durrës,pas një hetimi 2 mujor bënë të mundur arrestimin në flagrancë të shtetasit Muhamed Bibi 21 vjeç,banues në Durrës.
Policia ka thene se arrestimi i tij u bë pasi shtetasi i mësipërm merrej me shitjen e lëndëve narkotike Cannabis Sattiva dhe Heroinë.
Nga kontrolli që iu krye në lagjen nr.8 në Durrës,iu gjetën dhe iu sekuestruan në cilësinë e provave materiale:
• 600 gram lëndë narkotike e llojit Cannabis Sattiva;
• 1 armë zjarri automatik mod-56;
• 1 krëhër automatiku;
• 42 fishekë luftarakë model-56;
• 16 copë kapsolla detonatore dhe 1 fitil zjarrpërcjellës me gjatësi 55 cm;
• 1.5 gram e dyshuar si lëndë narkotike heroine dhe
• 2 telefona celularë.
Policia beri me dije se materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Prodhimi dhe mbajtja pa leje e armëve luftarake dhe e municionit”dhe”Prodhimi dhe shitja e narkotikëve” parashikuar nga nenet 278 dhe 283/1 të Kodit Penal.