Edhe pse ka kaluar një orë nga orari i ngrënies së darkës në një kamp gjerman, azilkërkuesit janë vendosur në radhë për të marrë racionin e darkës.
“Jemi në kampin gjerman në Unna Dortmund dhe është orari i darkës për të gjithë azilkërkuesit e ardhur, mes të cilëve edhe shqiptarë.
Mëngjesi hahet në orën 06:30, dreka shërbehet në orën 12:00, ndërsa darka fillon të shërbehet në 18:00. Por, mesa shihet, zgjat shumë, pasi dhe numri i azilkërkuesve të strehuar në këtë kam është i madh”, thotë L.T., i kontaktuar nga Shekulli Online.
Ky është kampi i dytë në të cilin ai qëndron, pas transferimit nga i pari.
“Kushtet e fjetjes janë më mirë, pasi fillimisht flinin në çadra, brenda një palestre shkolle. Ndërsa, tani, flemë në disa dhoma pushimi. Brenda tyre vetëm krevate ka, asgjë tjetër”, thotë L.T.